Kia ora Olinka korua ko Raiha
Ko te kaupapa ako hei rangahautanga mā korua i tēnei wiki ko te POWHIRI
1. He aha te POWHIRI?
a. Werowerohia tōu hinengaro, tuhia ou ake ōhia manomano ki runga i te whārangi Ōhia Manomano kia tere ai kia pau ai te tekau miniti. E hia ngā kupu i tuhia e koe?
b. Inaianei whakarōpungia ēnei kupu i tuhia e koe ki raro i te kaupapa e hāngai ana. Hei tauira ki raro i te wahanga KARANGA he aha ngā kupu katoa e hāngai ana ki te KARANGA?

2. Ki ou whakaaro he aha te whakamaramatanga o tēnei kupu POWHIRI? He aha i whakahono ai ēnei kupu e rua ‘PŌ’ me ‘WHIRI’? Tuhia kia nui tonu ou whakaaro tērā pea e whakamārama mai ana ngā tikanga katoa o te putake o tēnei kupu POWHIRI.


3. He aha ngā wahanga katoa o te POWHIRI mai i te tīmatanga tae noa ki te mutunga?

4. Me maumahara ki tētahi POWHIRI i kite koe i tēnei tau, tērā pea ko tōu powhiri i tōu rā tuatahi i te kura i te tīmatanga o te tau, tērā pea ko te powhiri i Waiohika. Tuhia/ korerotia ranei he tuhinga whakaahua e pā ana ki tāua powhiri.

A tena, whakaotihia enei mahi ki runga i o korua ake wharangi wiki i mua i tenei ramere. Tena korua!